DE PLATTDÜÜTSCHE RUNN

Vor bummelig füffteihn Johrn würr "De plattdüütsche Runn1" äs Arbeitskreis in unsen Kulturverein von Hilke Harms grünnt. Domals heet he noch; " Plattdüütsch für Anfänger" . Lüüd,de gern Platt snacken wollen ober oft noog utlacht würrn, de schuln Hier ein Platz finn'.Dat klapp ok allerbest!In de Grunschool MeschachL kööm man tosamen, Wöör un Tahlen, Grammatik un Snäck, Leder un Radels würrn öövt un ganz veel snackt un leest.
So geev dat denn bald bunte Abends mit Dööntjes, Sketsche un veel Musik in etliche Elvmasch - Dörper, - jümmer mit einen groden Tospruch. De Muskanten von "Binkfuer" ünnerstütten uns dorbi. Einer von jüm, Klaus Rüdiger Ullrich ut Geesthacht-Gröönhoff, is bet hüüt in uns' plattdüütsche Runn1 Mit dorbi. Wü hebbt oles Geschirr ut Huus un Hoff tosamendragen un as Utstellung präsentiert; - von Holtmollen un -slefen över Bodderffööt un Hauharken bet Zentrifugen un Zigorenröstmöhl wäu ein Masse Kram antokieken. Theater un Musumsbesöke un ok plattdüütsche Gottesdeenste hebbt wü organisiert un sülven mitmaakt.Toletzt wör dat an 07 Juni 2009 sowiet.
Uns Rüümlichkeiten würrn poormal wesse1t: Vonne Grundschool na'n Schoolungsruum in de Meschachter Af'teek, von dor wedder trüch ne de Grundschool, un nu sitt wü in dat Trauzimmer von't Küsterhuus. Ganz gemütlich un wunnerschön!